Мадриднинг "Атлетико" клуби футболчиси Аксель Витсель катта эҳтимол билан Испания чемпионатида ўйнашда давом этади.
Marca нашри хабарига кўра, бельгиялик футболчи "Атлетико Мадрид" футболчиси Мадрид клуби билан янги шартнома имзолашга яқин турибди.
Қайд этилишича, "Атлетико" Витселнинг ўйинидан мамнун ва футболчини ўз жамоасида сақлаб қолмоқчи.
Витсель 2022 йилнинг ёзидан буён "Атлетико Мадрид" футболчиси бўлиб, унгача Дортмунднинг "Боруссия" жамоасида ўйнаган.
Жорий мавсумда ярим ҳимоячи 46 та ўйинда қатнашиб, иккита гол урди. Футболчининг трансфер қиймати 4 миллион еврога баҳоланмоқда.
