"Интер"нинг ўнг қанот ҳимоячиси Дензел Дюмфрис энди Англия Премьер-лигасига ўтишни истамаяпти.
Кузда ниделандиялик футболчи “нерадзуррилар”нинг янги шартнома таклифини рад этганди, чунки у ўша вақтда Англияга ўтиш ҳақида жиддий ўйлаётганди. Бироқ, La Gazette Dello Sport хабарига кўра, футболчи фаолиятини Премьер-лигада давом эттириш учун ҳеч қандай аниқ вариант олмаган - барчаси турнир жадвалининг ўртасидан бир нечта клубларнинг қизиқиши билан чегараланган. Айнан шу сабабдан 28 ёшли латераль ўз келажагини қайта кўриб чиқди ва "Интер"да қолишга қарор қилди. У Миландаги ҳаётдан ва жамоадаги ҳозирги ҳолатидан мамнун.
Бироқ томонлар янги шартнома шартлари бўйича ҳалигача келиша олишмади. Дюмфриснинг амалдаги шартномаси 2025 йилда тугайди ва келишувга эришилмаса, "Интер" уни кейинги ёзда сотади.
