Мадриднинг "Реал" клуби ярим ҳимоячиси Арда Гюлер ёзги трансфер ойнасида жамоасини тарк этишни истамаяпти.
Журналист Фабрицио Романонинг маълумотларига кўра, туркиялик футболчининг бошқа жамоага кетиш истаги ҳақидаги миш-мишлар ҳақиқатга тўғри келмайди.
19 ёшли Гюлер жорий мавсум Ла Лигада 5 та ўйинда майдонга тушди ва битта голли узатмани амалга оширди. Мавсумнинг биринчи ярмида ярим ҳимоячи турли жароҳатлар туфайли жамоасига ёрдам бера олмади.
Аввалроқ Гюлернинг ижарасига Испания чемпионатининг бир қатор жамоалари қизиқаётгани ҳақида хабар берилганди. Эслатиб ўтамиз, ўтган ёзда ярим ҳимоячи "Реал"га 20 миллион еврога эвазига ўтган эди.
