"Бавария" мухлислари Томас Тухелни ҳимоя қилиш учун петиция ёзишди.
Февраль ойида Мюнхен клуби мутахассис мавсум якунланганидан кейин жамоа бош мураббийлигидан кетишини маълум қилганди.
"Бавария" шундан сўнг Чемпионлар лигасининг ярим финалига чиқди ва "Реал" билан ўйнайди. "Бавария" мухлислари Томас Тухелдан клуб бош мураббийи лавозимида қолишни сўраб петиция чоп этишди.
“Биз Рангникни эмас, Тухелни хоҳлаймиз!” деб номланган петиция сешанба куни яратилган ва деярли 10 000 имзо тўплаган.
“ОАВда салбий маълумотлар ва жароҳат олган Мюнхен жамоасининг кадрлар ҳолатига қарамай, Чемпионлар лигаси совриндори ўз жамоасини Чемпионлар лигаси ярим финалига олиб чиқди. Унаи Эмери ёки Рангник каби номзодларни ҳурмат қилсакда, бу мураббийларни Тухель билан солиштириб бўлмайди”, - дейилади петицияда.
