"Реал Мадрид" бош мураббийи Карло Анчелотти Лука Модричнинг ўйини ҳақида ўз фикрлари билан ўртоқлашди. Жума куни 38 ёшли хорватиялик футболчи жамоа сафида майдонга тушди ва жамоанинг “Реал Сосьедад” устидан кичик ҳисобда ғалаба қозонишига ёрдам берди ва 84 дақиқани майдонда ўтказди.
"Модрич оптимал жисмоний ҳолатда, буни у сўнгги ўйинларда кўрсатди. У зўр. У сешанба куни "Бавария"га қарши ўйнаши мумкин", - дея Анчелотти сўзларини келтиради Madrid Xtra.
30 апрель куни Мюнхенда "Бавария" ва "Реал" ўртасидаги Чемпионлар лигаси ярим финалининг биринчи учрашуви бўлиб ўтади.
