"Тоттенхэм" бош мураббийи Анге Постекоглу эртага, 28 апрель куни Лондоннинг "Арсенал" жамоаси билан бўлиб ўтадиган Англия чемпионатининг 35-тур учрашуви муҳимлигини тушунишини таъкидлади.
“Биз бу ўйин муҳимлигини тушунамиз. Биз энг катта дербимизда асосий рақибимиз бизни мағлуб этишига йўл қўймаслигимиз керак. Бунинг оқибатини жуда яхши тушунамиз", — деди Постекоглу.
"Тоттенхэм" - "Арсенал" учрашуви "Тоттенхэм Ҳотспур" стадионида бўлиб ўтади. Майкл Оливер учрашувнинг бош ҳаками вазифасини бажаради. Ҳакамнинг старт ҳуштаги Тошкент вақти билан 18:00 да янграйди.
