Оуэн Харгривз Каземиронинг АПЛ доирасидаги "Бёрнли" билан ўйиндаги (1:1) ўйинини танқид қилди.
86-дақиқада “Манчестер Юнайтед” ярим ҳимоячиси ўз жарима майдончаси ичида боши билан муваффақиятсиз зарба берди, шундан сўнг "манкунианликлар" дарвозабони Андре Онана “Бёрнли” футболчисига нисбатан қўполлик ишлатди.
"Бу эпизодда Каземиронинг боши билан ўйнаган ўйини шармандали. У нима ҳақида ўйлаганини билмайман.
Онана дарвозадан чиқиб, Амдуни билан тўқнаш келди, аммо Каземиронинг боши билан берган зарбаси ноаниқ бўлди. Айниқса бу ўйин охирида ёмон оқибатга олиб келди.
Онана танқид қилинади, лекин у жамоани ўйинда сақлаб қолди ва муҳим сейвларни амалга оширди" - деди "МЮ"нинг собиқ ярим ҳимоячиси.
