"Арсенал" бош мураббийи Микель Артета Англия чемпионатининг жорий мавсумидаги чемпионлик пойгаси ҳақида гапирди.
"Ушбу лигада ҳар мавсумда, ҳар бир ўйинда ўз даражангда ўйнашинг керак ва бу жуда қийин. Кетма-кет икки йил чемпионлик учун курашдик, аммо бундан қониқмадик. Биз чемпионатда ғалаба қозонишни истаймиз ва бунинг учун қўлимиздан келган барча ишни қиламиз. Агар ғалаба қозонсак, яна буни қилишга ҳаракат қиламиз. Агар бу иш бермаса, албатта, яна уриниб кўрамиз", - деди Артета клуб расмий сайтига.
Эслатиб ўтамиз, Англия чемпионатининг 34-туридан сўнг "Арсенал" 77 очко жамғарган ва айни дамда биринчи ўринда, энг яқин таъқибчиси “Манчестер Сити”дан бир очко олдинда, аммо "шаҳарликлар"нинг битта захира ўйини бор.
