"Бавария" 29 ёшли ўнг қанот ҳимоячиси Жошуа Киммих билан шартномани узайтирмаса, у билан хайрлашишга тайёр.
Манбанинг хабарига кўра, Мюнхен клуби шартномаси 2025 йилнинг ёзида тугайдиган Киммихни текинга қўйиб юбормоқчи эмас. “Қизиллар” раҳбарияти германиялик футболчи учун камида 50 миллион евро ишлаб олмоқчи.
Киммихни сотиб олишга номзодлардан бири "Барселона". Ўз навбатида "Бавария" "блауграна" марказий ҳимоячиси Рональд Араухо ва марказий ярим ҳимоячи Френки де Йонгга қизиқиш билдирмоқда.
Жорий мавсумда Киммих барча турнирларда 38 та ўйинда қатнашиб, 2 та гол ва 9 та голли узатмага муаллифлик қилган.
