"Интер" ҳужумчиси Алексис Санчес клубини алмаштиришга тайёрланаётган кўринади.
Бир неча кун аввал хабар қилинганидек, чилилик форвард муддати тугайдиган шартномасини узайтирмоқчи эмас. Энди бу маълумотни 35 ёшли футболчининг ўзи ҳам қисман тасдиқлади.
"Фаолиятимда кўплаб совринларни қўлга киритдим, аммо "Интер" билан бу Скудетто алоҳида ютуқ, чунки бу клубга иккинчи юлдузни келтирди. Мен бу футболчиларнинг ўсиб бораётганини кўрганман. Ҳаммаси учун раҳмат ва омад йигитлар!” – деди Санчес чемпионлик парадидаги мухлисларга мурожаатида.
Алексис Санчес ўтган август ойида "Интер"га эркин агент сифатида қайтган эди. Ҳужумчи аввалроқ 2020 йилдан 2022 йилгача “нерадзуррилар” шарафини ҳимоя қилган.
