"Севилья" ярим ҳимоячиси Оливер Торрес елкасидан олган жароҳати туфайли мавсумнинг қолган қисмини ўтказиб юборади, дея хабар бермоқда MARCA нашри.
29 ёшли футболчи машғулотларда жароҳат олган ва операция қилинган. Оливер келажакда шунга ўхшаш эпизодларнинг олдини олиш ва бўғинни мустаҳкамлаш учун буни қилишга қарор қилди. У мавсум охиригача "Севилья" ўйинларида иштирок эта олмайди.
Испаниялик футболчининг шартномаси 2024 йилнинг ёзида тугайди, томонлар уни узайтириш борасида келиша олишмади. Шу тариқа, Ла Лиганинг 32-тури доирасидаги "Мальорка"га қарши уй учрашуви Торреснинг "Севилья" сафидаги сўнгги ўйини бўлиши мумкин.
Оливер “Севилья”га 2019 йил июль ойида келиб қўшилганди. Испаниялик футболчи клуб либосида 201 та ўйин ўтказган ва икки марта Европа лигасида ғолиб чиққан.
Жорий мавсумда Торрес 35 ўйин ўтказди ва 2 голга ассистентлик қилди.
