Деярли бутун фаолиятини Менхенгладбахнинг “Боруссия” клубида ўтказган Патрик Херрманн мавсум якунида футболчилик фаолияти билан хайрлашади.

Бу ҳақда «Боруссия» расмий сайти ёзмоқда. Херрманн 33 ёшда. У 2008 йилда ёшлигида, "Саарбрюкен"дан "Боруссия"га ўтганди.

Немис футболчиси 2009 йилда Гладбах жамоаси таркибида профессионал даражадаги биринчи ўйинини ўтказган ва шундан буён у 15 йил давомида клубини ўзгартирмади.

Статистик маълумотларга кўра, қанот ҳужумчиси Германия терма жамоасида деярли ўйнамаган, у жамоада фақат иккита ўйин ўтказган.