Жон Олдриж "Ливерпул"да мураббий алмашиши ҳақида гапирди.
“Тўғрисини айтсам, мен Арне Слот ҳақида кўп нарса билмайман. Мен фақат унинг ўрнида яхши ишлаш кераклигини биламан.
Кўринишидан, у "Ливерпул"нинг меъзонларига мос келади, аммо қандай йўл билан эканлигини билмайман.
Уни бу ерда кўришни ҳеч ким кутмаган эди. Фақат клуб эгаларига ва уни танлаган одамларга ишониш керак.
Мураббийни алмаштирсангиз, бу ҳар қандай клуб учун доим катта хавф ҳисобланади. Кўрамиз, Пеп Гвардиола кетганида "Ман Сити" нима бўлар экан?! Биз буни «Манчестер Юнайтед»да Сэр Алекс Фергюсон кетганида ҳам кўрганмиз.
Улар тубсизликка тушиб кетишди ва ўшандан бери ўнгланиша олмади.
Ҳаммасини тўғри қилиш керак ва ўзгаришлар муаммосиз ўтишига ишонч ҳосил қилиш хўжайинлар ва Майкл Эдвардсга боғлиқ", - деди "Ливерпул"нинг собиқ футболчиси Жон Олдриж.
