Швейцариянинг Лозанна шаҳрида XIII Халқаро От Спорти федерацияси форуми бўлиб ўтди. Форумда 230 дан ортиқ делегатлар иштирок этди.
Мазкур форумда Ўзбекистон йилқичилик ва от спорти федерацияси раиси Бахромжон Газиев ва вице-президент Виктория Александрина иштирок этди.
Спорт форуми доирасида бир қатор музокаралар ўтказилиб, унда 2024-2025-йилларда Швейцариядан тажрибали ветеринар, фермер ва мураббийларни Ўзбекистонга таклиф этиш, отларни ривожлантириш ва танлашда биргаликда ишлаш ва ФEИ халқаро федерацияси билан Ўзбекистонда "Challenge" турнирини ўтказиш бўйича келишувларга эришилди.













