“Манчестер Юнайтед” ҳужумчиси Маркус Рэшфорд фаолиятини Англия Премьер-лигасининг бошқа клубида давом эттириши мумкин. Британия матбуоти хабарига кўра, форвард хизматларига Лондоннинг "Арсенал" клуби қизиқиш билдирмоқда.
Пойтахт клуби раҳбарияти ёзги трансфер ойнасида жамоанинг ҳужум чизиғини кучайтирмоқчи. Рэшфорд номзодлардан бири саналади. “Қизил иблислар” ўз навбатида яхши таклиф тушса, ҳужумчи билан хайрлашишга қарши эмас.
Маркус манкунианликлар сафида 2016 йилдан бери ўйнаб келмоқда. 26 ёшли футболчининг амалдаги меҳнат шартномаси 2028 йилнинг июнь ойи охиригача амал қилади. Рэшфорднинг бозор қиймати 60 миллион евро.
