“Manchester Yunayted” hujumchisi Markus Reshford faoliyatini Angliya Premyer-ligasining boshqa klubida davom ettirishi mumkin. Britaniya matbuoti xabariga ko‘ra, forvard xizmatlariga Londonning "Arsenal" klubi qiziqish bildirmoqda.
Poytaxt klubi rahbariyati yozgi transfer oynasida jamoaning hujum chizig‘ini kuchaytirmoqchi. Reshford nomzodlardan biri sanaladi. “Qizil iblislar” o‘z navbatida yaxshi taklif tushsa, hujumchi bilan xayrlashishga qarshi emas.
Markus mankunianliklar safida 2016 yildan beri o‘ynab kelmoqda. 26 yoshli futbolchining amaldagi mehnat shartnomasi 2028 yilning iyun oyi oxirigacha amal qiladi. Reshfordning bozor qiymati 60 million yevro.
