"Интер" вице-президенти Хавьер Дзанетти ярим ҳимоячи Николо Барелла ва ҳужумчи Лаутаро Мартинеснинг шартномалари билан боғлиқ вазият ҳақида гапирди.

"Тасдиқлашим мумкинки, Барелла ва Лаутаро янги шартномалар имзолайди. Буни ишонч билан айтиш мумкин. Тез орада иккала футболчи билан ҳам келишувга эришамиз. Клуб ва футболчилар ҳамкорликни давом эттиришни истамоқда", - дея Дзанетти сўзларини келтиради журналист Фабрицио Романо.

Барелла ва Мартинес бу мавсумда жамоага Скудеттони қўлга киритишга ёрдам берган "Интер"нинг асосий ўйинчиларидир.