"Байер" қанот ҳимоячиси Алекс Гримальдо жорий мавсумни требл билан якунлаш ниятида эканлигини маълум қилди.
“Жамоамиз совринларга чанқоқ. Биз бу мавсумдан 100 фоиз фойдаланмоқчимиз. "Байер" треблни қўлга киритмоқчи. Биз Европа лигаси ва Германия кубогини ютиш имкониятини қўлдан бой бермаймиз. Жамоа ўз муваффақиятига ишонади", - дейди футболчи.
Леверкузен клуби “Бавария”нинг узоқ йиллик гегемонлигини тўхтатиб, муддатидан аввал Германия чемпионига айланганди. Хаби шогирдлари Европа лигаси ярим финалида “Рома” билан, мамлакат кубоги финалида “Кайзерслаутерн” билан учрашади.