"Bayer" qanot himoyachisi Aleks Grimaldo joriy mavsumni trebl bilan yakunlash niyatida ekanligini ma’lum qildi.
“Jamoamiz sovrinlarga chanqoq. Biz bu mavsumdan 100 foiz foydalanmoqchimiz. "Bayer" treblni qo‘lga kiritmoqchi. Biz Yevropa ligasi va Germaniya kubogini yutish imkoniyatini qo‘ldan boy bermaymiz. Jamoa o‘z muvaffaqiyatiga ishonadi", - deydi futbolchi.
Leverkuzen klubi “Bavariya”ning uzoq yillik gegemonligini to‘xtatib, muddatidan avval Germaniya chempioniga aylangandi. Xabi shogirdlari Yevropa ligasi yarim finalida “Roma” bilan, mamlakat kubogi finalida “Kayzerslautern” bilan uchrashadi.
