БААга қарши ўтказилган ўйинда дарвозабонимиз Игнатий Нестеров терма жамоамиз таркибида ўз дарвозаси дахлсизлигини сақлаб қолиш бўйича рекордни янгилади. Эндиликда дарвозабонларнинг қуруқ серияси 451 дақиқага тенг бўлди.

Игнатий Нестеров сўнги марта Жанубий Кореяга қарши ўйиннинг 57-дақиқасида гол ўтказиб юборган эди. Шундан кейин у кетма-кет 4 та ўйинда қуруқ натижа қайд эта олди. БААга қарши ўйинда эса 59-дақиқада гол ўтказиб юборди.

Олдинги рекорд соҳиби Павел Бугало натижаси 447 дақиқага тенг бўлиб, 1999/2000 йиллар давомида ўрнатилган эди.

Игнатий Нестеровнинг қуруқ серияси:
1. 11.09.2012. Ўзбекистон - Жанубий Корея 2:2 (57-дақиқадан бошлаб, 33 дақиқа )
2. 16.10.2012. Қатар - Ўзбекистон 0:1 (90 дақиқа)
3. 14.11.2012. Эрон - Ўзбекистон 0:1 (90 дақиқа)
4. 01.02.2013. Ўзбекистон - Озарбайжон 0:0 (90 дақиқа)
5. 06.02.2013. Ўзбекистон - Гонгконг 0:0 (90 дақиқа)
6. 22.03.2013. БАА - Ўзбекистон 2:1 (58 дақиқа) 
жами: 451 дақиқа.