"Тоттенхэм" марказий ҳимоячиси Микки ван де Вен жамоанинг кучли тўртликдан жой олиш имкониятлари ҳақида гапирди.

"Шпорлар" “Челси”га ютқазиб (0:2) “Астон Вилла”га яқинлашиш имкониятини бой берди. Анже Постекоглу жамоаси Премьер-лига турнир жадвалида бир ўйин кам ўтказган ҳолда Бирмингем клубидан 7 очко ортда қолиб, бешинчи ўринда бормоқда.

"Бугун биз унчалик яхши ўйнамадик - бироқ биз анча яхши ўйнашга қодирмиз. Биринчи бўлимда режалар ўхшамади.

Иккинчи бўлимда уринишлар бўлди, аммо ишонч етишмади. Кучли тўртликка кириш жуда қийин бўлади.

Энди Чемпионлар лигасидаги ўрин ҳақида гапирмоқчи эмасман. Биз яхши ўйнамадик ва энди якшанба ҳаракат қиламиз", - деди ван де Вен Sky Sports нашрига.