Дортмунднинг "Боруссия" клуби расмий сайти орқали клуб ва Марко Ройс алоқани узайтирмасликка қарор қилганини эълон қилди. Тажрибали ҳужумкор ярим ҳимоячи 2023/2024 йилги мавсум охирида “асаларилар”ни тарк этади.
Марко Ройс 2012 йилнинг ёзидан бери "Боруссия"да ўйнаб келмоқда. Жамоа сафида Марко 424 та расмий ўйин ўтказиб, 168 та гол урган ва шерикларига 128 та голли узатма берган. Май ойи охирида Ройс 35 ёшга тўлади.
Эслатиб ўтамиз, чоршанба оқшомида “Боруссия” Европа Чемпионлар Лигаси ярим финалининг биринчи ўйинида ўз майдонида “ПСЖ”ни мағлуб этганди (1:0).
