"Кристал Пэлас" бош мураббийи Оливер Гласнер "Манчестер Юнайтед"га қарши бўлиб ўтадиган АПЛ ўйини ҳақида гапирди.
“Манчестер Юнайтед”дан юқори сифат кутаман. Эрик тен Хаг "Аякс"да ажойиб иш қилди. Ва ўтган йили у "Манчестер Юнайтед" билан Лига кубогини қўлга киритди. Уларда ажойиб мураббий ва ажойиб жамоа бор. Улар бу мавсумда жароҳатлардан азият чекишди, аммо ҳужумда ҳамон юқори сифатга эга.
Рақибни ҳурмат қиламиз, лекин ғалаба қозонишга интиламиз. Биз учун “Манчестер Юнайтед”нинг кучли томонларини назорат қилиш муҳим. Аммо уларнинг заиф томонларидан ҳам фойдаланишимиз керак", деди Гласнер матбуот анжуманида.
