Мюнхеннинг “Бавария” клуби футболчиси Томас Мюллер Чемпионлар лигаси ярим финалида “Реал” билан жавоб ўйини олдидан Мюнхен клубининг кайфияти ҳақида фикр билдирди.
Эслатиб ўтамиз, жамоалар ўртасидаги Мюнхенда (Германия) бўлиб ўтган илк учрашув 2:2 ҳисобида якунланганди.
"Жавоб ўйини олдидан вазият аниқ. Ғолиб давом этади. Ўйин мутлақо ҳал қилувчи. Бизда болаликдаги орзумизни амалга ошириш ва Чемпионлар лигаси финалига чиқиш имконияти бўлади. Бунинг учун қўлимиздан келган барча ишни қиламиз”, - деб ёзди футболчи ижтимоий тармоқларда.
Эслатиб ўтамиз, жавоб ўйини 8 май куни Мадриддаги "Сантьяго Бернабеу" стадионида бўлиб ўтади.
