Ўтмишнинг машҳур футбол юлдузларидан бири Виктор Понеделник Португалия терма жамоаси ҳужумчиси Криштиану Роналдунинг Исроил терма жамоасига қарши кўрсатган ўйини ҳақида фикр билдирди.

«Португалия катта қийинчилик билан мағлубиятдан қутилиб қолди. Криштиану Роналду... Ажойиб футболчи! Лекин бунчалик ҳакам билан тортишиш, жарима зарбаси сўраш, ҳакамга ўқталиш... Бу қанча давом этиши мумкин экан.

У ҳақиқий етакчи. Жамоани ортидан эргаштира олади, лекин доим норози кайфиятда бўлиш ва шерикларига босим ўтказиш билан қандай етакчи бўлиш мумкин? У нимани хоҳламоқда?

Роналдуга буюклик характери етишмайди. Унинг жаҳон чемпиони бўла олмаслиги шундай кўриниб турибди. Месси ҳам дунёнинг энг яхши футболчиси бўлишга муносиб эмас. Пуллар, мукофотлар — уларда бор. Лекин яна нимаси бор уларнинг?

Бир эсланг, Роналду иккинчи голда қандай ажойиб ўйнади ва шеригига голли пасни амалга оширди. Лекин у барча вазиятларда шундай ўйнаяптими?

Йўқ! Балки у ҳозир кўзгу олдида туриб, ўзининг машҳур соч турмаги билан машғулдир. Афсус Криштиану ҳозир терма жамоасида шундай ўйнамоқда. Балки, усиз жамоа яхшироқ ўйнар, лекин улар ҳам Роналдудан нимадир кутишмоқда»,- дейди Понеделник.