"Манчестер Юнайтед" ярим ҳимоячиси Кристиан Эриксен "Кристал Пэлас"га қарши ўйиндаги мағлубият (0:4) ҳақида гапирди.
“Қизил иблислар” навбатдаги омадсизликка учради ва АПЛ турнир жадвалида саккизинчи ўринни эгаллаб олди. Чемпионатнинг сўнгги етти учрашувида Эрик тен Хаг шогирдлари бор-йўғи битта ғалабага эришди.
“Катта умидсизлик. Биз жароҳатлар ҳолатига таъсир қила олмаймиз, аммо майдонда қўлимиздан келганини қилишимиз керак. Бугун майдонга ким чиқиши муҳим эмас эди. Ҳамма яхшироқ иш қилиши мумкин эди. Бўлиб ўтган воқеадан қандай хулосалар чиқариш мумкинлигини билмайман, лекин биз етарли даражада яхши эмасдик. Биз футболчилар айбни ўз зиммамизга олишимиз керак", - деб Эриксен сўзларини келтирмоқда BBC.
