"Manchester Yunayted" yarim himoyachisi Kristian Eriksen "Kristal Pelas"ga qarshi o‘yindagi mag‘lubiyat (0:4) haqida gapirdi.
“Qizil iblislar” navbatdagi omadsizlikka uchradi va APL turnir jadvalida sakkizinchi o‘rinni egallab oldi. Chempionatning so‘nggi yetti uchrashuvida Erik ten Xag shogirdlari bor-yo‘g‘i bitta g‘alabaga erishdi.
“Katta umidsizlik. Biz jarohatlar holatiga ta’sir qila olmaymiz, ammo maydonda qo‘limizdan kelganini qilishimiz kerak. Bugun maydonga kim chiqishi muhim emas edi. Hamma yaxshiroq ish qilishi mumkin edi. Bo‘lib o‘tgan voqeadan qanday xulosalar chiqarish mumkinligini bilmayman, lekin biz yetarli darajada yaxshi emasdik. Biz futbolchilar aybni o‘z zimmamizga olishimiz kerak", - deb Eriksen so‘zlarini keltirmoqda BBC.
