Мадриднинг “Реал” клуби муддатидан аввал Испания Ла Лигасининг жорий мавсумида ғолиб бўлди. Журналистларнинг хабар беришича, “қироллик” клубига чемпионлик кубоги машғулотлар базасида ёпиқ эшиклар ортида топширилади.

Мадридликлар Ла Лиганинг навбатдаги турида Гранадага сафар қилганларида бу маросим ўтказилишини истамаяпти. Мамлакат футбол федерацияси кубокни якшанба куни клуб базасида жамоага топширишга қарор қилди. Уни ташкилот президенти Педро Роча шахсан олиб келади.

8 май, чоршанба куни “Реал” Чемпионлар лигаси ярим финалида “Бавария”га қарши жавоб учрашувини ўтказади.