"Челси" ҳозирданоқ "Палмейрас" ҳужумчиси Эстевао Виллианнинг трансфери борасида музокаралар олиб бормоқда. 17 ёшли футболчини ватанида Мессиньо ёки кичик Месси дейишади. The Athletic хабарига кўра, Лондон клуби ушбу трансферни муваффақиятли амалга оширишига ишонмоқда.

"Палмейрас" Эстеваони 30 миллион евро ва бонуслар эвазига сотишга тайёр. Ёш форварднинг амалдаги шартномаси 2026 йилнинг ўрталарига қадар мўлжалланган.

Эслатиб ўтамиз, “Челси” ҳозирда Англия чемпионати турнир жадвалида еттинчи ўринни эгаллаб турибди. Жамоа Премьер-лигадаги навбатдаги ўйинини 11 май, шанба куни рақиб майдонида "Ноттингем Форест"га қарши ўтказади.