"Бавария" дарвозабони Мануэль Нойер Чемпионлар лигаси доирасида "Реал"га қарши ўйин олдидан ўз фикрларини билдириб ўтди.
Эслатиб ўтамиз, биринчи ярим финал учрашувида жамоалар Мюнхенда 2:2 ҳисобида дуранг натижа қайд этганди.
Жавоб ўйини 8-май, чоршанба куни Мадридда бўлиб ўтади.
"Ҳаммаси иккала жамоанинг эртанги ўйинга қандай формада ёндашишига боғлиқ бўлади. "Реал" каби жамоага қарши ўйинда ҳар доим майда-чуйда нарсалар барчасини ҳал қилади.
Биз ҳам, “Реал” ҳам ҳужумда яхши ўйнаймиз. Биз ўзимизга ишонамиз ва охирги ўйинда қандай ўйнаганимизни таҳлил қиламиз.
"Биз биринчи ўйинда "Реал"ни мағлуб этишимиз мумкин эди, демак, иккинчи ўйинда имкониятлар бўлади", - дея Нойернинг сўзларини келтирган Bayern & Germany.
