"Ювентус" ва Сербия терма жамоаси ярим ҳимоячиси Филип Костич Италиянинг бошқа жамоасига ўтиши мумкин.
Calciomercato хабарига кўра, "Рома" Турин клубига сербиялик вингерни сотиб олиш бўйича расмий сўров юборган.
Қайд этилишича, 31 ёшли футболчининг хизматларига римликлар бош мураббийи Даниэле Де Росси шахсан қизиқиш билдирмоқда.
Костич Турин клубида 2022 йилнинг ёзидан буён ўйнамоқда.
Жорий мавсумда футболчи барча мусобақаларда 28 та ўйин ўтказиб, ўз шериклари учун тўртта голли узатмани амалга оширган.
