"Галатасарой" "Челси"дан Ҳаким Зиешни доимий равишда ўз сафига қўшиб олади.

Ўтган ёзда "Челси" Марокаш терма жамоаси ярим ҳимоячисини 2024 йилда текинга сотиб олиш ҳуқуқи билан "Галатасарой"га ижарага берган эди.

Журналист Бен Жейкобснинг ёзишича, Зиешнинг шартномасини “кўклар”дан сотиб олиш учун зарур шартлар фаоллаштирилган ва турклар 31 ёшли футболчи билан шартнома имзолайди.

"Челси" Ҳакимнинг трансфери учун товон пули олмайди, лекин агар Зиеш "Галатасарой"да яхши ўйнаса, бонуслар кўринишида пул ишлаб олиши мумкин.

Тўлиқ трансфердан сўнг марокашлик футболчининг маоши йилига 3,59 миллион евродан 2,85 миллионга камаяди.

Зиеш “Галатасарой” сафида 21 та ўйин ўтказиб, 8 та гол урди ва 4 та голли узатмани амалга оширди.