Ўзбекистон енгил атлетика федерациясига янги раис сайланди

Бугун Миллий Олимпия қўмитасида Ўзбекистон енгил атлетика федерациясининг навбатдан ташқари ҳисобот-сайлов конференцияси бўлиб ўтди.

Унда терма жамоанинг Париж-2024 ёзги Олимпия ўйинларига олиб бораётган тайёргарлиги кўриб чиқилиб, федерация бошқарувига янги раис сайланди.

Тадбирда Спорт вазирининг ўринбосари Шаҳрулло Маҳмудов, МОҚ Бош котиби Ойбек Касимов, Спорт фахрийлари кенгаши раиси Баҳодир Махситов, мамлакат енгил атлетика федерацияси мутасаддилари ва Ижроия қўмита аъзолари иштирок этишди.

Даставвал, федерация Бош котиби Камолиддин Рўзимуҳаммедов Ўзбекистон терма жамоасининг Париж-2024 ёзги Олимпия ўйинларига олиб бораётган тайёргарлиги юзасидан ҳисобот берди. Шундан сўнг кун тартибидаги асосий масалалар кўриб чиқилди.

Унда федерация раиси лавозимида ишлаб келган Меҳриддин Абдуллаевнинг ўз хоҳишига кўра лавозимини тарк этиши ҳақида ёзган аризаси иштирокчилар томонидан қаноатлантирилди. Шундан сўнг Ижроия қўмита тавсиясига биноан федерация раҳбарлигига “Ўзбекнефтгаз” АЖ бошқарув раиси Сидиқов Баҳодир Баҳромович номзоди илгари сурилди.

Ойбек Омилович номзод ҳақида ўз фикрларини билдирар экан, унинг спортсевар инсон сифатида яхши ном қозонгани, оммавий спорт ва соғлом турмуш тарзини қўллаб-қувватлаш масаласида жонбозлик кўрсатиб келаётгани ва келгусида юртимизда енгил атлетика ривожини янги босқичга кўтара олишига шубҳа қилмаслигини билдирди. Делегатлар номзодни бир овоздан маъқуллашди ва Баҳодир Сидиқов Ўзбекистон енгил атлетика федерациясининг янги раиси этиб сайланди.

Сўз олган Б.Сидиқов масъулиятли вазифани бажаришга киришар экан, билдирилган ишончни оқлашга, яқинлашиб келаётган Париж-2024 ёзги Олимпия ўйинларида терма жамоамиз атлетларининг муносиб тайёргарлик кўриши ва иштирок этиши учун бор куч-ғайратини ишга солишга ваъда берди. Ўз навбатида, Шаҳрулло Маҳмудов ҳамда Баҳодир Махситов Баҳодир Баҳромовични янги фаолиятида ҳам омад тилаб, ҳамкорликда ишлашга тайёр эканликларини билдиришди.

Шунинг билан, Ўзбекистон енгил атлетика федерациясининг навбатдан ташқари ҳисобот-сайлов конференцияси ўз ишини якунлади.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

19/05 00:00	Алавес	1-0	Хетафе
19/05 15:30	Сассуоло	0-2	Кальяри
19/05 18:00	Монца	0-1	Фрозиноне
19/05 18:00	Удинезе	1-1	Эмполи
19/05 19:00	Навбаҳор	1-0	Нефтчи
19/05 19:00	ОКМК	5-3	Сўғдиёна
19/05 20:00	Манчестер Сити	3-1	Вест Хэм
19/05 20:00	Шеффилд Юнайтед	0-3	Тоттенхэм
19/05 20:00	Арсенал	2-1	Эвертон
19/05 20:00	Брентфорд	2-4	Ньюкасл
19/05 20:00	Брайтон	0-2	Ман. Юнайтед
19/05 20:00	Бёрнли	1-2	Ноттингем Форест
19/05 20:00	Челси	2-1	Борнмут
19/05 20:00	Кристал Пэлас	5-0	Астон Вилла
19/05 20:00	Ливерпуль	2-0	Вулверхэмптон
19/05 20:00	Лутон	2-4	Фулхэм
19/05 21:00	Интер	1-1	Лацио
19/05 22:00	Валенсия	1-3	Жирона
19/05 22:00	Вильярреал	4-4	Реал Мадрид
19/05 22:00	Атлетик Бильбао	2-0	Севилья
19/05 22:00	Атлетико	1-4	Осасуна
19/05 22:00	Барселона	3-0	Райо Вальекано
19/05 22:00	Бетис	0-2	Реал Сосьедад
19/05 22:00	Кадис	0-0	Лас-Пальмас
19/05 22:00	Мальорка	2-2	Альмерия
19/05 22:00	Гранада	1-2	Сельта
19/05 23:45	Рома	1-0	Женоа
20/05 00:00	Лорьян	5-0	Клермон
20/05 00:00	Монако	4-0	Нант
20/05 00:00	Лилль	2-2	Ницца
20/05 00:00	Лион	2-1	Страсбур
20/05 00:00	Реймс	2-1	Ренн
20/05 00:00	Ланс	2-2	Монпелье
20/05 00:00	Тулуза	0-3	Брест
20/05 00:00	Гавр	1-2	Марсель
20/05 00:00	Метц	0-2	ПСЖ
20/05 21:30	Салернитана	-	Верона
20/05 23:45	Болонья	-	Ювентус

Ўзбекистон енгил атлетика федерациясига янги раис сайланди

ЭНГ КЎП ЎҚИЛГАН ЯНГИЛИКЛАР