"Реал Бетис" учун ажойиб мавсумни якунлаётган Жонни Кардосо яқинда кўплаб йирик клубларнинг қизиқишига қарамай, трансфер ҳақида ўйламаслигини айтди.
Нью-Жерсида туғилган ярим ҳимоячига "Атлетико Мадрид", "Барселона", "Боруссия Дортмунд" ва "РБ Лейпциг" клублари қизиқиш билдирмоқда.
Ўтган йилнинг декабрь ойида Бразилиянинг "Интернасьонал" жамоаси билан шартнома имзолаган Кардосо "Бетис" жамоасидаги кўплаб фахрийларнинг қаттиқ рақобатига қарамай, Мануэль Пеллегрини учун асосий ўйинчига айланди.
"Менинг режа ва мақсадларим "Бетисда". Келганимга кўп бўлмади. Мен ишлашни ва ривожланишни давом эттирмоқчиман. Менинг тақдирим "Бетис" билан, қолганлар эса агентларим билан шуғулланиши керак", – деди футболчи.
