"Реал"нинг собиқ ярим ҳимоячиси, ҳозирда Бразилиянинг "Сан-Паулу" клубида тўп тепаётган Хамес Родригес Ла Лигага қайтиши мумкин. Бу ҳақда Todofichajes журналистлари хабар бермоқда.
Портал хабарига кўра, колумбиялик ярим ҳимоячига "Вильярреал" ва "Мальорка" клублари қизиқиш билдирмоқда. Аввалроқ, Хамесга "Валенсия" ва "Севилья" клублари қизиқаётгани ҳам хабар қилинганди.
Родригес юқори даража кўрсатиш учун Испанияга қайтишни истайди. "Сан-Паулу" унинг трансфери учун тахминан 3 миллион евро сўраши мумкин.
Бразилия чемпионатининг жорий мавсумида Хамес бор йўғи иккита ўйин ўтказди.
