"Челси" бош мураббийи Маурисио Почеттино жамоасининг мавсумни еврокубоклар зонасида якунлаш имкониятларига баҳо берди.

“Кўклар” ҳозирда Премьер-лигада еттинчи ўринни эгаллаб турибди, бу эса уларга келаси мавсумда Конференциялар лигасида ўйнаш имконини беради.

“Челси” Европа лигаси зонасидан икки очко узоқда. “Яхши натижалар бизга ишонч бағишлади. Учрашувларда ғалаба қозонганингизда, ўзингизни бутунлай бошқача ҳис қиласиз. Жамоа мавсумнинг сўнгги учта ўйинини ўтказишга тайёр.

Биз учун Европа мусобақаларида қатнашиш жуда муҳим. Мақсад -  мавсумни еврокубоклар зонасида якунлаш.

Бу ҳақда ҳеч нарса қила олмайсиз. Қолган ўйинларда ўтган ҳафта кўрсатган ўйинимизни такрорлашимиз керак", - деди Почеттино.