"Арсенал" бош мураббийи Микель Артета ярим ҳимоячи Жоржиньо билан янги шартнома имзолангани ҳақида фикр билдирди.
Италиялик футболчи "канонирлар" билан келаси мавсум охиригача амал қиладиган шартнома имзолади.
Шартнома яна бир йилга узайтириш имкониятини ҳам кўзда тутади.
"Жоржиньо – жамоанинг муҳим қисми, намуна. У етакчилик фазилатлари ва ўзига хос ўйин қобилиятига эга, бу унга барча жамоадошларидан устун туриш имконини беради.
Биз у ва унинг оиласи клубимизга содиқ эканидан жуда хурсандмиз, бу саёҳатни бирга давом эттириш ажойиб бўлади", деди Артета "Арсенал" расмий сайтига берган интервьюсида.
