"Бавария" ярим ҳимоячиси Леон Горецка Чемпионлар лигаси ярим финалининг жамоаси учун муваффақиятсиз якунлангани ҳақида фикр билдирди.
Мюнхенликлар “Реал” билан жавоб ўйинида 68-дақиқада Альфонсо Дэвиснинг аниқ зарбаси эвазига олдинга чиқиб олишди, бироқ мезбонлар ўйинда вазиятни ўзгартиришга муваффақ бўлишди – захирадан майдонга тушган Хоселу 88 ва 91-дақиқаларда гол урди.
“Қаймоқранглилар” умумий ҳисобда 4:3 ҳисобида ғалаба қозониб, Чемпионлар лигаси финалига йўл олди.
“Дэвис гол урганида менинг финалга чиқишимизга ишончим комил эди. Кейин ҳамма нарса ўзгарди. Ўша оқшом футбол ўзининг энг шафқатсиз томонини кўрсатди.
Сизнинг қўллаб-қувватлашингиз ақлдан оздирадиган даражада, раҳмат. Биз қайтамиз”, - дея ижтимоий тармоқларда мухлисларга мурожаат қилди Горецка.
