"Реал Мадрид" бош мураббийи Карло Анчелотти ва президент Флорентино Перес 1 июнь куни "Уэмбли"да бўлиб ўтадиган Чемпионлар лигаси финалида қайси дарвозабон ўйинни асосий таркибда бошлаши кераклиги борасида келишиб олди.

Relevo хабарига кўра, Анчелотти ва Перес Тибо Куртуанинг асосий таркибда майдонга тушиши "Реал"нинг финалда ғалаба қозониш эҳтимолини сезиларли даражада оширади, деб ҳисобламоқда.

Эслатиб ўтамиз, бельгиялик футболчи жароҳат туфайли мавсумнинг катта қисмини ўтказиб юборди ва фақат ўтган ҳафта охирида илк бор майдонга тушди.