"Реал" бош мураббийи Карло Анчелотти ҳужумчи Килиан Мбаппенинг эҳтимолий трансфери ҳақидаги саволга жавоб берди. "ПСЖ" ҳужумчиси ёзда эркин агентга айланади.
"Бу ҳозирча мени қизиқтирадиган мавзу эмас. Ҳали қиладиган ишларимиз кўп. Биз бугун ўйнадик ва энди мухлисларимиз билан чемпионликни нишонлаш вақти келди.
Шундан сўнг бизни яна кўплаб ўйинлар кутиб турибди. 1 июнга қадар бизда ўйлашимиз керак бўлган кўп нарса бор", - дея Анчелоттидан иқтибос келтиради Real France.
Франциялик футболчи 10 май, жума куни “ПСЖ”ни тарк этишини эълон қилди. 25 ёшли футболчи эркин агент сифатида жамоани тарк этади.
