"Манчестер Сити" ярим ҳимоячиси Кевин Де Брюйне АПЛ тарихида энг кўп голли узатмалар бериш бўйича иккинчи ўринни эгаллаб турибди.

32 ёшли бельгиялик футболчи АПЛнинг 37-туридан ўрин олган "Фулхэм"га (4:0) қарши ўйинда голли узатмани амалга оширди. Де Брюйненинг узатмаси билан Йошко Гвардиол ҳисобни очди.

Ушбу голли узатма "шаҳарликлар" ярим ҳимоячиси учун АПЛдаги 111-ассистенти бўлди. Бу кўрсаткич бўйича у "Арсенал" ва "Челси"нинг собиқ футболчиси Сеск Фабрегасга етиб олди. Премьер-лига рекордчиси 162 голли узатма билан "Манчестер Юнайтед"нинг собиқ қанот ҳимоячиси Райан Гиггз ҳисобланади.

Де Брюйне 2015 йилдан бери "Манчестер Сити"да ўйнаб келмоқда.