"Манчестер Сити" бош мураббийи Пеп Гвардиола марказий ҳимоячи Жон Стоунснинг ўйин амалиёти ҳақидаги саволга жавоб берди.
Англиялик футболчи "Сити"нинг сўнгги тўртта ўйинидан учтасида захирада қолди, жумладан, "Фулхэм" устидан 4:0 ҳисобида ғалаба қозонилган учрашувда ҳам.
"Мен Жоннинг ҳолатини биламан. Биз ота-болага ўхшаймиз, демаган бўлардим, лекин бир-биримизни жуда яхши биламиз.
У ҳали ҳам энг яхши формасини олади, у бизга керак. Баъзида ўйинчилар олдинга бир қадам ташлашади - ҳозир Аканжи ва Аке ажойиб кўринишга эга.
Шунинг учун Стоунс асосий таркибга кира олмаяпти. Жек Грилиш ўтган мавсумда кўп ўйнади, аммо бу мавсумда камроқ.
"Манчестер Сити"да сиз доимо юқори савияда ўйнашингиз керак", - дея Гвардиоланинг сўзларини келтиради City Xtra.
