"Манчестер Сити" дарвозабони Эдерсон Мораэс нега жамоаси Англия Премьер-лигасида муваффақият қозонаётганини тушунтириб берди.
"Сўнгги уч йилга қаранг - биз уч марта Премьер-лигада ғалаба қозондик ва энди бизда тарих яратиш имконияти бор. Ҳеч бир жамоа кетма-кет тўрт марта чемпион бўлмаган, аммо биз буни уддалай оламиз. Менимча, гап клуб, ходимлар, футболчилар яратган менталитетга боғлиқ.
Гвардиола - дунёнинг энг зўри, у кунига 24 соат футбол билан яшайди. У жамоани руҳлантиради", - дея Эдерсоннинг сўзларини келтиради "Манчестер Сити" матбуот хизмати.
