Хави "Барселона" таркибида ўйин амалиёти ололмаётган Витор Роке ҳақида фикр билдирди.
"Унинг бугунги ўйиндаги иштироки сўнгги дақиқаларгача шубҳа остида эди, чунки кеча у тўпиғига жуда кучли зарба олди. Унинг келажаги мавсум охирида ҳал бўлади, ҳозир бу ҳақда гапиришни истамайман.
Витор Роке мисолида клубда рақобат кучлигини билишингиз мумкин. Мураббий сифатида шуни айтишим мумкин, хамма футболчилар асосий таркибда ўйнаш имкониятига эга, машғулотларда ўзини кўрсатган футболчи асосий таркибда майдонга тушади. Рақобатда ғолиб чиққан хар қандай футболчи клубнинг асосий футболчиси бўлади.
Виторни таркибга киритмаганимга менинг айбим йўқ. Витор, бошқалар каби, ўзининг устида ишлаши керак", - деди испаниялик мутахассис.
Кеча "Барселона" Ла Лигада "Реал Сосьедад"ни мағлуб этди - 2:0.
