Мадриднинг “Реал” клуби ярим ҳимоячи Лука Модричнинг кетишига ҳозирлик кўрмоқда. 38 ёшли хорватияликнинг қироллик клуби билан шартномаси июн ойи охирида якунига етади. Клуб тажрибали ярим ҳимоячининг ўрнини босадиган футболчи борасида бир қарорга келган.
"Лос Бланкос" Италия ва "Интер" ярим ҳимоячиси Николо Барелла трансферини амалга оширмоқчи. 27 ёшли футболчининг трансфер қиймати 75 миллион еврога баҳоланмоқда.
Барелланинг шартномаси 2026 йилнинг ёзига қадар мўлжалланган. Италия чемпионатининг жорий мавсумида Николо 35 та ўйин ўтказиб, 2 та гол ва 3 та голли узатмага муаллифлик қилган.
