Англия чемпиони номи якшанба оқшомида аниқланади. “Манчестер Сити” сўнгги тур олдидан “Арсенал”дан икки очкога олдинда.
Пеп Гвардиола жамоаси кетма-кет тўртинчи марта Премьер-лига чемпионлигини қўлга киритиш учун ўз майдонида "Вест Хэм"ни мағлуб этиши кифоя.
"Арсенал" 20 йил ичида биринчи чемпионлигини қўлга киритиш учун ўз майдонида "Эвертон"ни мағлуб этиши ва "Манчестер Сити"нинг очко йўқотишига умид қилиши керак.
Айни пайтда, Opta компаниясининг футбол статистикаси мутахассислари суперкомпьютерни ишга тушириб, “Манчестер Сити” ва “Арсенал”нинг чемпионликни қўлга киритиш имкониятларини баҳолашди.
Шундай қилиб, “шаҳарликлар”нинг имконияти 84,3 фоизга, “канонирлар”нинг имконияти эса 15,7 фоизга баҳоланмоқда.
