"Челси"нинг ҳужумкор футболчиси Коул Палмер Англия чемпионатининг 37-турида "Брайтон" устидан қозонилган ғалабадан сўнг ўз фикрларини билдириб ўтди.
Учрашув 15 май куни бўлиб ўтган ва Лондон клубининг 2:1 ҳисобидаги ғалабаси билан якунланган.
"Бугун уч очко олишимиз керак эди. Ўйин сўнггигача биз учун қийин бўлди, лекин биз буни уддаладик. Биз учун олтинчи ўринни эгаллаш жуда муҳим.
"Челси" - катта клуб ва ҳар доим олтинчи ўриндан юқори бўлиши керак, аммо агар сиз мавсум бошида ва ҳозир қаерда эканлигимизни кўрсангиз, бу катта қадам эканлигини кўрасиз. Европа мусобақаларига қайтиш ажойиб", - деди Палмер.
