"Chelsi"ning hujumkor futbolchisi Koul Palmer Angliya chempionatining 37-turida "Brayton" ustidan qozonilgan g‘alabadan so‘ng o‘z fikrlarini bildirib o‘tdi.
Uchrashuv 15 may kuni bo‘lib o‘tgan va London klubining 2:1 hisobidagi g‘alabasi bilan yakunlangan.
"Bugun uch ochko olishimiz kerak edi. O‘yin so‘nggigacha biz uchun qiyin bo‘ldi, lekin biz buni uddaladik. Biz uchun oltinchi o‘rinni egallash juda muhim.
"Chelsi" - katta klub va har doim oltinchi o‘rindan yuqori bo‘lishi kerak, ammo agar siz mavsum boshida va hozir qayerda ekanligimizni ko‘rsangiz, bu katta qadam ekanligini ko‘rasiz. Yevropa musobaqalariga qaytish ajoyib", - dedi Palmer.
