"Милан"нинг нидерландиялик ярим ҳимоячиси Тижани Рейндерс жамоасининг жорий мавсумдаги ўйинини омадсиз деб ҳисоблашини яширмади.
Унинг фикрига кўра, клуб футболчилари олдига мақсад қўйган - чемпионлик унвонини қўлга киритиш.
Аммо уни Миланнинг бошқа клуби – “Интер” олиб кетди. Миланлик футболчилар эса Скудеттонинг шаҳарга қайтганидан ғурурланишмайди.
"Мақсадимиз чемпион бўлиш эди, аммо бу амалга ошмади. Менга келсак, Италия чемпионатига мослашдим ва босқичма-босқич ўсдим.
Ишончим комилки, кейинги мавсум мен учун ҳам, жамоа учун ҳам яхшироқ бўлади", - дея Рейндерснинг сўзларини келтиради BBC Sport.
