Афсонавий нидерландиялик собиқ футболчи Робин ван Перси “Херенвен”га бош мураббий этиб тайинланиши ҳақида фикр билдирди. 40 ёшли мутахассис икки йиллик шартнома имзолади. Бу ван Персининг бош мураббий сифатидаги биринчи иши.
“Мураббийлик касби кенг ва мураккаб, мен уни катта иштиёқ ва завқ билан давом эттираман. Ривожланишимни давом эттирмоқчиман ва бош мураббийнинг роли бу мақсадга тўлиқ мос келади. Шунинг учун мен "Херенвен" таклиф қилаётган имкониятдан мамнунман. Бу бой анъаналарга ва содиқ мухлисларга эга бўлган жуда яхши клуб. Бош мураббий сифатида мен клубнинг спорт амбициялари ва ривожланишига ҳисса қўшишим керак", - дея Робин ван Персининг сўзларидан иқтибос келтиради клуб расмий сайти.
